رد فنان سوداني معروف على سخرية بعض الصفحات على مواقع التواصل الاجتماعي, بعد نشر صورة له وهو يعمل داخل محل لتركيب العطور بمدينة عطبرة.
وبحسب رصد ومتابعة محرر موقع النيلين, فقد خرج المطرب الشاب ماهر سامي, عن صمته وكشف التفاصيل الكاملة لصورته المتداولة وهو يعمل داخل محل العطور.
وكتب المطرب الشاب تدوينة على حسابه الرسمي عبر موقع التواصل الاجتماعي فيسبوك: (تقريبا مافي زول ما بعرفو ما تاقاني الايام الفاتت في البوستات دي…. ماهر سامي شغال في محل عطور؟).
وتابع: (اي انا الفنان ماهر سامي حاليا في السودان و في مدينة عطبرة وشغال في محل عطور واسمو حاج احمد للعطور و حفلاتي برضو الحمد لله شغالة).
وأضاف بحسب ما نقل عنه محرر موقع النيلين: (الشغل ما عيب ولا حرام وكوني اخترت اقعد في السودان وما اسافر فما معناها اني ما عندي قروش سفر.. انا الما عايز اطلع من السودان لأسباب خاصة بي، انا مصر دي بدل المرة كنت بقدر امشي مرتين و تلاته و مجاني بدون ما ادفع شي و اصحابي واهلي بحنسو فيني اجي السعودية وانا بقول ليهم اصبرو… انا عشت ٢١ سنه من عمري برة السودان.).
وختم الفنان ماهر سامي, تدوينته التي حظيت بتفاعل واسع: (امنيتي اني اصنع نفسي هنا و ابقا زول هنا و احقق طموحي هنا لاني ضقت مرارة الغربة و شفتها عملت في الناس شنو).
محمد عثمان _ الخرطوم
النيلين