شاركت البلوجر أسما شريف منير متابعيها عبر صفحتها الرسمية في موقع التواصل الاجتماعي إنستجرام أحدث صورها، خلال حضورها إحدى الفعاليات الخاصة بالموضة في الجونة.
وظهرت أسما شريف منير في الصور بفستان لامع، وحازت إطلالتها إعجاب متابعيها.
وكانت أسما شريف منير وجهت قبل أيام رسالة لجمهورها، تحدثت فيها عن الوصول إلى حالة من هدوء القلب والروح.
وقالت أسما شريف منير: “هدوء القلب والروح هو حالة كده من الاسترخاء النفسي والراحة اللي كلنا بنبقى محتاجينها، خصوصاً لما الحياة حواليك بتبقى مليانة ضغوط وزحمة و تفكير في بكرا. لما تلاقي نفسك وصلت لحالة الهدوء دي، بتحس إن كل حاجة حواليك بقت أهدى وبسيطة أكتر. قراراتك وقتها بتكون نابعة من مكان هادي ومستقر جواك، فبتبقى واثق من اللي بتعمله”.
وأضافت: “عشان توصل لحالة هدوء القلب والروح، محتاج تركز على الحاجات اللي بتريحك وبتخليك تحس بالسلام. زي الصلاة اللي بتخليك قريب من ربنا و مسموع و واثق، لانك في حالة تواصل، التأمل اللي بيريح دماغك من التفكير، أو حتى الكتابة اللي بتساعدك تطلع اللي جواك على الورق. كمان المشي في مكان مفتوح بيريحك وبيفصلك عن الدنيا شوية. الفكرة هنا إنك تدي نفسك فرصة ترتاح وتبعد عن المشاكل لفترة”.
وتابعت: “الهدوء الحقيقي بقى بيبان لما تبقى بتتعامل مع شخص مريح، قلبه عليك، طيب، صريح و واضح، ساعتها بتحس انك نايم علي الارض و حاسس براحة كده متعرفش اي حاجة عن التوتر و القلق. يعني بدل ما تخلي القلق يسيطر عليك بتكون واثق ان في شخص في ضهرك فا تفضل هادي وواثق إن كل مشكلة ليها حل، وإنك تقدر تتخطاها عشان مسنود”.
الألبوم إعداد – محمد سليم